國航千八蚊香港來回北海道 究竟係點?

#千八蚊來回北海道 #中國國際航空 #北海道平機票 #平機票 #轉機

近排中國國際航空經常做特價,經北京轉機來往歐美日本韓國多地,四程飛機未連稅計都係千幾二千蚊。筆者就買左一套香港經北京轉機去北海道札幌嘅機票,撞正五一黃金週假期,價錢連稅都只係一千八百四十一大元,究竟可以抵成點?呢千八蚊百左乜嘢呢?

一千八百四十一蚊入面,稅項同機場建設費等附加費就佔左五百四十一蚊,咁淨返嘅一千三百蚊就係張機票啦。呢千三蚊包左嘅,當然有香港→北京、北京→札幌、札幌→北京同北京→香港嘅呢四程飛機啦。國航係傳統航空公司,機票係有包飛機餐(雖然味道就……)同行李嘅,而日本綫嘅寄艙行李 Quota 有兩件 23 kg 嘅行李。

航程一:CA116 中國國航 香港→北京 搭乘記
航程二:CA169 中國國航 北京→札幌 搭乘記
航程三:CA170 中國國航 札幌→北京 搭乘記
航程四:CA107 中國國航 北京→香港 搭乘記

除左飛機餐同行李,國航仲有提供免費嘅轉機過夜酒店,筆者香港飛北京同北京飛札幌嘅航班之間係隔左一晚嘅,所以亦住左國航安排嘅中轉酒店一晚。最後仲有咩拎走嘅,就係里數啦。國航呢套平飛係 L 艙,L 艙仲有少少里數可以儲。筆者就儲開同樣係星空聯盟嘅 ANA Mileage Club,國航 L 艙可以儲到 30% 嘅里數,雖然飛北海道唔算好多里數,四程夾埋大約係 1500 里多少少,不過飛歐美長途果 D 都應該儲到唔少。

免費轉機酒店:北京空港奧竺賓館酒店 住宿記

而北京機場 T3E 嘅 Priority Pass 貴賓室都唔錯,如果你拎住 Priority Pass 或其他可以入去嘅信用卡的話,可以入埋去食吓嘢休息吓……

同場加映:北京首都機場 T3E 中國國航頭等艙休息室

千八蚊來回北海道系列
CA116 中國國航 香港→北京 搭乘記
CA169 中國國航 北京→札幌 搭乘記
國航免費中轉酒店 北京空港奧竺賓館酒店 住宿記
CA170 中國國航 札幌→北京 搭乘記
CA107 中國國航 北京→香港 搭乘記
同場加映:北京首都機場 T3E 中國國航頭等艙休息室

Leave a Reply

Your email address will not be published. Required fields are marked *