All posts by cumulus

伊豆半島 – 龍宮窟


#伊豆半島 #地質旅行 #地景 #行程 #自駕遊 #龍宮窟 #竜宮窟 #田牛 #2019 #初夏

來到伊豆下田,龍宮窟必到的景點。龍宮窟這個海蝕洞中洞,簡直就是自然間的鬼斧神工,說是整個伊豆半島絕景 number 1 也不為過。先可以從樓梯往下走進洞裏看,從內部可以看到海蝕洞頂穿空,形成一個圓渾的露天沙灘廣場。

除了在洞內向外望以外,還可以沿樓梯往上走,從洞頂往下望。這時,龍宮窟會呈現心形。

龍宮窟旁邊還有一條小路,通往田牛的海邊。這處有一個滑沙場,完全是天然形成的,沙乘風源源不絕從海岸吹上坡,形成一面30度斜的沙坡。一旁的沙灘和亂石,亦形成一幅美麗的風景。一場來到龍宮窟,不妨花數分鐘到訪一下田牛。



[2019 初夏] 伊豆半島地質公園地景遊

#伊豆半島 #地質旅行 #地景 #行程 #自駕遊

與幾位熱愛地質的朋友出行,這趟旅程的重點雖說是欣賞伊豆半島的地質美景,但來到日本,當然少不了美食和溫泉。假期有限,加上趕著前往橫濱觀賞花火大會,所以只安排了短短四日三夜環伊豆半島的行程。伊豆半島的風景,短短四日實在有點不足,所以這行程不完美,要改善。

因為事前發現旅程前後碰上橫濱的花火大會(煙花匯演),所以租車的借還點都選在橫濱。行程如下:

交通:自駕

Day 1
横浜→伊東
住: 伊東ー伊東ホテルニュー岡部

Day 2
伊東→大室山→城ヶ崎海岸→下田
住:下田ー下田聚楽ホテル

Day 3
下田→河津七滝爪木崎竜宮窟→堂ヶ島
住:堂ヶ島ー堂ヶ島ホテル天遊

Day 4
堂ヶ島→土肥金山→横浜



上海全天候掃街之選:世紀匯商場1192弄

#上海 #全天候室內掃街 #大風大雨滿足掃街嘅慾望 #小籠包 #湯包 #佳家湯包 #湯丸 #寧波湯圓 #缸鴨狗 #鮮肉月餅 #泰康食品 #世紀大道站 #世紀匯商場 #1192弄

去到上海,當然不能夠不掃街吃一下地道的小食啦。吃一籠小籠包,嘆返個鮮肉月餅,再整返碗皮薄餡靚的寧波湯丸,實在係享受上海美食嘅好方法。但係如果天氣麻麻,實在無乜心情周圍掃街,所以我就揀左去地鐵世紀大道站隔離嘅世紀匯商場地庫嘅 1192 弄,果到有齊我想食嘅小籠包同湯丸。

Continue reading 上海全天候掃街之選:世紀匯商場1192弄

上海外灘茂悅大酒店宿泊記

#上海 #外灘茂悅大酒店 #無敵大浦東風景 #天台酒吧先係重點 #Hyattonthebund #Shanghai

啱啱過去嘅農曆新年,買到國泰 Fanfare 嘅上海機票連酒店套票,就快閃左轉三日兩夜嘅上海之旅。國泰套票包嘅住宿,就揀左喺北外灘嘅茂悅大酒店,係 HYATT 酒店入面屬於 GRAND HYATT 的級數。酒店嘅位置雖然叫做係外灘附近,但距離地鐵站係有啲距離,最近嘅係12號線嘅國際客運中心站,要行十五分鐘左右。(不過,住得 HYATT 嘅其他客人通常應該都係搭的士???筆者除外啦)。所以筆者係到住嘅幾日,搭得最多嘅係巴士,酒店後面嘅大名路上有《白渡橋》巴士站,搭一兩個站就可以到外灘、南京東路、大世界嘅旺區,懶行路嘅可以多多搭巴士,再轉地鐵去遠啲嘅地方。

酒店分東西兩座樓,今次入住嘅係西座高層嘅雙床房,房間採取開於式設計,浴室同睡床無分隔,相當特別,不過酒店都準備左趟門,接受唔到浴室咁開放嘅朋友可以自己趟返埋佢。整體嚟講,房間相當寬敞闊落,不單只將幾個喼放平打開無問題,開枱麻雀打返幾圈都夠位(首先,你要有一幅麻雀同一張麻雀枱⋯⋯)。

開放式嘅浴室設計

浴室用品提供 June Jacobs 品牌的
房間景色

筆者Check-in 嘅時候被前台邀請過加每晚400蚊人仔入住望更靚景嘅房,不過筆者拒絕左,最後呢間房係正面向住東座,但係側側地係望到晒浦東高樓大廈嘅靚景。不過講到靚景,就一定要上西座頂層嘅 VUE BAR 上面睇,外來客人要收過百蚊嘅入場費,但係住客係可以嘟房咭免費入場,係頂層嘅酒吧,可以一次過睇晒浦東嘅高樓大廈同外灘嘅夜景。住得係到嘅,一定一定要上酒吧睇下個景先值回房價。

頂層 VUE 酒吧的浦東夜景
頂層 VUE 酒吧的外灘夜景



冰見絕景溫泉酒店 うみあかり(海灯) 宿泊記 朝食篇

#氷見 #冰見 #溫泉酒店 #一泊二食 #絕景溫泉 #無敵大海景 #立山連峰 #日本海 #海灯 #うみあかり #umiakari #海鮮丼任食

←←←上一頁繼
冰見絕景溫泉酒店 うみあかり(海灯) 宿泊記 夕食篇

之前提過酒店間房向東,正好睇到日出。筆者到訪之時為五月末,正值夏季日長夜短之時,故日出也嚟得特別早,清晨四點半已晨光初露,靜待破曉。

萬里無雲,實在是賞日出嘅最佳日子。睇到如此嘅絕景日出,千里迢迢嘅冰見一行都值回票價。

是咁的,筆者爬起身欣賞完日出之後係再去浸多次溫泉嘅。朝早亦有唔少住客(尤其係唔係望海嘅朋友)係會落去溫泉池到睇日出嘅,筆者落到去就見證住佢地嘅散場潮。不過呢,地理位置去,個溫泉係向東嘅,望日出一流,不過朝早浸嘅個太陽都幾勁吓,稍為太晒頂唔到太耐。所以想嘆溫泉呢,筆者覺得都係下午時分同夜晚會舒服啲。

跟住就係早餐啦,早餐係喺《dining 海》食。自助餐,款式唔算太多,不過勝在少而精,其中有自製魚生飯,係筆者嘅心水推介,有三文魚子、蔥吞拿魚拖羅同燒三文魚,新鮮質素高味道好。




冰見絕景溫泉酒店 うみあかり(海灯) 宿泊記 夕食篇

#氷見 #冰見 #溫泉酒店 #一泊二食 #絕景溫泉 #無敵大海景 #立山連峰 #日本海 #海灯 #うみあかり

←←←上一頁繼
冰見絕景溫泉酒店 うみあかり(海灯) 宿泊記

住得日本嘅溫泉酒店,通常都係揀一泊二食附嘅套餐啦。海灯嘅到嘅夕食有兩間餐廳可以揀,兩間餐廳都係新開嘅,一間係望住個海食野嘅《dinning 海》,另一間係主打燒烤海鮮嘅《dinning 炎》。筆者係揀左後者,價錢稍為貴少少,不過會有海鮮燒烤。

dining 海 同 dining 炎 兩間餐廳就係隔離
是晚餐單

首先上嚟嘅係一個名為「富山灣之玉手箱」嘅前菜,除左魚生之外,其他小碟主要都係富山嘅新鮮海鮮,例如有螢光魷魚同白蝦。呢個玉手箱應該係酒店嘅主打,好似《dining 海》同《dining 炎》兩邊都會有得食嘅,真心正。

嚟個 close up
嚟多個 close up

然後再上嘅係一大盤海鮮,放係個火爐上邊烤熟食嘅,有龍蝦、扇貝、魚、魷魚同野菜。感覺係幾好玩嘅,不過呢堆海鮮,尤其係果隻龍蝦,實在係耐性嘅考驗⋯⋯

燒烤用海鮮(註:三人份)

最後係埋尾嘅飯,白飯配上冰見牛肉碎作茶漬飯。

冰見牛肉碎茶漬飯

甜品

食完休息一陣,當然係浸返個靚溫泉。難得晴空萬里,梗係出露台睇下星星先瞓啦。

長曝光下嘅夜景
星之棟果然係睇到星星嘅 PS: 露天溫泉都睇到架

下一頁續→→→
冰見絕景溫泉酒店 うみあかり(海灯) 宿泊記 朝食篇


冰見絕景溫泉酒店 うみあかり(海灯) 宿泊記

#氷見 #冰見 #溫泉酒店 #一泊二食 #絕景溫泉 #無敵大海景 #立山連峰 #日本海 #海灯 #うみあかり #umiakari #軟雪糕任食

一向鍾意浸溫泉嘅筆者,今次嚟到富山縣嘅冰見,就揀左呢一間叫「うみあかり」嘅溫泉酒店,雖然酒店大門標住漢字「海灯」嘅招牌,不過無論係酒店官網還是筆者所用嘅日本訂房網都係用平假名嘅名。有興趣訂房嘅朋友喺訂房搜尋嘅時候就要留意返啦。

咁呢間酒店究竟有咩咁特別呢?筆者覺得最正嘅就係佢個海景溫泉。呢間酒店係網上嘅一啲日本 n 處絕景露天溫泉嘅文章上榜上有名。佢特別之處在於有個無敵大海景之餘,位處富山灣西側嘅海灯係可以係海景背後見到立山連峰,呈現海中有山之絕景。個景,真係靚嘅,筆者到訪果日啱啱好夠好天,春末初夏之際山上仍有殘雪,配出嚟嘅畫面係正嘅。佢個露天溫泉就係一邊望住呢個靚景,一邊浸。 Continue reading 冰見絕景溫泉酒店 うみあかり(海灯) 宿泊記