上海全天候掃街之選:世紀匯商場1192弄

#上海 #全天候室內掃街 #大風大雨滿足掃街嘅慾望 #小籠包 #湯包 #佳家湯包 #湯丸 #寧波湯圓 #缸鴨狗 #鮮肉月餅 #泰康食品 #世紀大道站 #世紀匯商場 #1192弄

去到上海,當然不能夠不掃街吃一下地道的小食啦。吃一籠小籠包,嘆返個鮮肉月餅,再整返碗皮薄餡靚的寧波湯丸,實在係享受上海美食嘅好方法。但係如果天氣麻麻,實在無乜心情周圍掃街,所以我就揀左去地鐵世紀大道站隔離嘅世紀匯商場地庫嘅 1192 弄,果到有齊我想食嘅小籠包同湯丸。

1192巷的仿巷弄「街景」

講起小籠包,當然唔可以唔提萊萊湯包館,可以講係上海相當出名嘅小籠包店。不過農曆新年期間,萊萊休息無開門(都休息幾長時間 ><),咁就只好轉去食另一家好出名嘅佳家湯包。應該係即叫即蒸嘅關係,所以點完菜都要等返半個鐘以上先有得食。款式都有好幾款,點左蟹粉鮮肉、蛋黃、蝦仁,新鮮蒸好熱辣辣,食落饀料嘅味道同質地都好正。

食完小籠包之後就過左隔離缸鴨狗食湯丸,佢最出名嘅係食寧波湯丸,皮薄餡靚。但係亦唔只得湯丸食,烤肉之類嘅餸菜都好好食。

缸鴨狗的寧波湯丸-芝麻饀
三色湯丸-芝麻、榴蓮同玫瑰三種饀
油豆腐烤肉,味道唔錯,送飯一流

雖然已經食到好飽,但最後再過隔離泰康食品買左個鮮肉月餅試下,感覺係一個換左用酥皮包嘅小籠包/生煎包,入面都係好多肉汁咁,相當唔錯,啱啱新鮮出爐係好食啲。

泰康的鮮肉月餅



Leave a Reply

Your email address will not be published. Required fields are marked *