#上海 #全天候室內掃街 #大風大雨滿足掃街嘅慾望 #小籠包 #湯包 #佳家湯包 #湯丸 #寧波湯圓 #缸鴨狗 #鮮肉月餅 #泰康食品 #世紀大道站 #世紀匯商場 #1192弄
去到上海，當然不能夠不掃街吃一下地道的小食啦。吃一籠小籠包，嘆返個鮮肉月餅，再整返碗皮薄餡靚的寧波湯丸，實在係享受上海美食嘅好方法。但係如果天氣麻麻，實在無乜心情周圍掃街，所以我就揀左去地鐵世紀大道站隔離嘅世紀匯商場地庫嘅 1192 弄，果到有齊我想食嘅小籠包同湯丸。
Tag Archives: Shanghai|上海
上海外灘茂悅大酒店宿泊記
#上海 #外灘茂悅大酒店 #無敵大浦東風景 #天台酒吧先係重點 #Hyattonthebund #Shanghai
啱啱過去嘅農曆新年，買到國泰 Fanfare 嘅上海機票連酒店套票，就快閃左轉三日兩夜嘅上海之旅。國泰套票包嘅住宿，就揀左喺北外灘嘅茂悅大酒店，係 HYATT 酒店入面屬於 GRAND HYATT 的級數。酒店嘅位置雖然叫做係外灘附近，但距離地鐵站係有啲距離，最近嘅係12號線嘅國際客運中心站，要行十五分鐘左右。（不過，住得 HYATT 嘅其他客人通常應該都係搭的士？？？筆者除外啦）。所以筆者係到住嘅幾日，搭得最多嘅係巴士，酒店後面嘅大名路上有《白渡橋》巴士站，搭一兩個站就可以到外灘、南京東路、大世界嘅旺區，懶行路嘅可以多多搭巴士，再轉地鐵去遠啲嘅地方。
酒店分東西兩座樓，今次入住嘅係西座高層嘅雙床房，房間採取開於式設計，浴室同睡床無分隔，相當特別，不過酒店都準備左趟門，接受唔到浴室咁開放嘅朋友可以自己趟返埋佢。整體嚟講，房間相當寬敞闊落，不單只將幾個喼放平打開無問題，開枱麻雀打返幾圈都夠位（首先，你要有一幅麻雀同一張麻雀枱⋯⋯）。
筆者Check-in 嘅時候被前台邀請過加每晚400蚊人仔入住望更靚景嘅房，不過筆者拒絕左，最後呢間房係正面向住東座，但係側側地係望到晒浦東高樓大廈嘅靚景。不過講到靚景，就一定要上西座頂層嘅 VUE BAR 上面睇，外來客人要收過百蚊嘅入場費，但係住客係可以嘟房咭免費入場，係頂層嘅酒吧，可以一次過睇晒浦東嘅高樓大廈同外灘嘅夜景。住得係到嘅，一定一定要上酒吧睇下個景先值回房價。
〖秋の飛騨道〗前傳：上海磁懸浮列車・磁浮交通科技館
抵達浦東機場後，往市區方向較快的交通工具就是磁浮列車。其實很早之前（屈指一算應該有十多年）已經有機會來試坐一下，可惜當年乘搭的飛機延誤，早上的飛機等到晚上才起飛，抵埗後磁浮列車早已關門大吉，所以今次才是第一次試坐這高速的列車。跟朋友談起過，普遍都覺得磁浮列車較貴，事實上浦東機場確實有地鐵2號綫出市區，票價當然較便宜；然而翌日往日本出發的是早機，還是想縮短一下往機場的一程，加上希望一試磁浮列車的心，就買下了一套磁浮來回連上海地鐵一日任搭的票，共銀八十五人民幣。相比起香港的機場快綫的價錢，應該都不算太貴⋯⋯
〖秋の飛騨道〗MU726 香港→上海浦東
〖秋の飛騨道〗旅程的首站是轉機的目的地－－上海。由於不是即日轉機，所以要在上海留一個晚上，寄艙行李也只能寄到上海，拿好行李離開機場，玩一天翌日才到機場繼續前往日本之行程。上海的酒店也預先訂好，沒有住在機場，住在浦東新區，雖在浦東，仍距離市中心近一點。所以離開浦東機場後，便乘搭了磁懸浮列車從機場前往較近市區的龍陽路站。
乘搭的是東方航空的MU726班機，由香港飛往上海浦東。機型是空中巴士A319，經濟客艙座位是3-3的排法。當天由北衛星客運廊的508閘口登機，即是要先乘坐那接駁巴士才能抵達的閘口。該班飛機還算相當滿座的，附近的座位都是全滿的。
〖秋の飛騨道〗前傳：上海萊萊湯包館
由於訂左東航的機票，行「港滬日」航線，剛好上海飛小松的早機是早得任何一班當日香港飛上海的都不能同日轉機的，就成功偷出一天時間出來上海市區，作個小籠包尋味之旅。這家店叫萊萊湯包店，網上食評還算不錯，地點不算太方便，位處南京東路和人民廣場之間。
鋪面是很平凡的一家小吃店，客人亦不算太多，不用排隊，誰不知其小籠出品卻美味得很。小籠包是即叫即蒸的，點好就放到大門外的石油氣蒸爐蒸熟上桌。餐牌貼在大門外，品種不算太多，小籠包分鮮肉、蝦仁、蟹粉和蟹膏四款。這次吃了鮮肉、蟹粉和蟹膏，各有其獨有的味道。